काँग्रेस प्रदेशाध्यक्ष नाना पटोले यांनी केले नेतृत्व
काँग्रेस पक्षाचे प्रदेशाध्यक्ष नाना पटोले यांचा नेतृत्वात आज नागपूरात वाढत्या पेट्रोल, डिझेलच्या किंमती च्या विरोधात राज्यव्यापी सायकल मोर्चा चे आयोजन करण्यात आले होते । भर पावसात काढण्यात आलेल्या या सायकल मोर्चात राज्याचे पशु व दुग्ध विकास मंत्री सुनील केदार, आमदार अभिजित वंजारी, विकास ठाकरे यांच्यासह शेकडो कार्यकर्ते सायकल घेऊन या मोर्चात सहभागी झाले .
संविधान चौकातून निघालेला हा सायकल मोर्चा विभागीय आयुक्त कार्यालयात दाखल झाला । यावेळी काँग्रेस पक्षातर्फे केंद्र सरकारला विभागीय आयुक्तांचा मार्फत आपल्या मागण्याचे निवेदन सादर केले ।
नागपूरात जोरदार पाऊस आल्याने पावसाची तमा न बाळगता काँग्रेसने आपला मोर्चा जोरदार घोषणाबाजी आणि निदर्शने देत काढला । पेट्रोल, डिझेल च्या वाढत्या किंमती मुळे महागाई वाढली असून सर्वसामान्यांचे हाल होत असल्याचे काँग्रेस प्रदेशाध्यक्ष नाना पटोले यांनी म्हंटले आहे ।
आमचा लढा केंद्र सरकारशी असून सरकारने सामान्य माणसाच्या प्रश्नांकडे लक्ष द्यावे अशी मागणीही यावेळी काँग्रेस पक्षाचे प्रदेशाध्यक्ष नाना पटोले यांनी केली आहे ।
