नागपूर: कोराडी मार्गावरील एका हॉस्पिटलमध्ये शारीरिक सुखाची मागणी करून महिला डॉक्टरवर हॉस्पिटलमध्येच अत्याचाराचा प्रयत्न करण्यात आल्याची धक्कादायक घटना घडली. या प्रकरणी मानकापूर पोलिसांनी विनयभंगासह विविध कलमांन्वये गुन्हा दाखल करून सहकारी डॉक्टर अटक केली डॉ. नंदु रहांगडाले ला (वय ३९ रा. ट्रस्ट ले-आऊट , हिलटॉप, अंबाझरी) अटक केली आहे
पीडित २४ वर्षीय महिला डॉक्टर काही दिवसांपूर्वी हॉस्पिटलमध्ये रूजू झाली. तेव्हापासून डॉक्टरची वाईट नजर पीडित महिला डॉक्टरवर होती. सोमवारी रात्री महिला डॉक्टर खोलीत होती. तो सुद्धा खोलीत गेला. महिला डॉक्टरकडे शारीरिक सुखाची मागणी केली. महिला डॉक्टरने नकार दिला. त्यानंतर आरोपीने अश्लील चाळे करून महिला डॉक्टरवर अत्याचाराचा प्रयत्न केला. महिला डॉक्टरने त्याला धक्का दिला. ती बाहेर आली. मानकापूर पोलीस ठाणे गाठून तक्रार दिली. मानकापूर पोलिसांनी गुन्हा दाखल केला. वरिष्ठ पोलिस निरीक्षक वैजयंती मंडवधरे यांच्या मार्गदर्शनाखाली मानकापूर पोलिसांनी आरोपीला अटक केली.
