महावीर जयंती व डॉ.बाबासाहेब आंबेडकर जयंती निमित्त कत्तलखाने, मांस विक्रीची दुकाने बंद
नागपूर, ता. 12 एप्रिल ( महानगर प्रतिनिधी)
“महावीर जयंती” दिनाला शहरातील कत्तलखाने तसेच मांस विक्रीची दुकाने बंद ठेवण्याबाबत महाराष्ट्र शासनाच्या निर्देशानुसार गुरूवार दिनांक १४ एप्रिल, २०२२ ला “महावीर जयंती” दिनानिमित्त नागपूर महानगरपालिका हद्दीतील सर्व कत्तलखाने व मांस विक्रीची दुकाने बंद राहतील.
तसेच “भारतरत्न डॉ.बाबासाहेब आंबेडकर जयंती” दिनानिमित्त गुरूवार दिनांक १४ एप्रिल, २०२२ ला शहरातील कत्तलखाने तसेच मांस विक्रीची दुकाने बंद ठेवण्याबाबत नागपूर महानगरपालिकेच्या दिनांक ०२/०९/२०१८ रोजीच्या स्थगित साधारण सभेतील मंजुर ठराव क्र. २४० दिनांक ०२/०७/२०१८ अन्वये मा.आयुक्त यांचे दिनांक ०३/०८/२०१८ चे मंजुरी नुसार नागपूर शहरतील सर्व कत्तलखाने व मांस विक्रीचे दुकाने बंद ठेवण्याचे निर्णय घेतलेला आहे.
त्यानुसार गुरूवार दिनांक १४ एप्रिल, २०२२ ला “भारतरत्न डॉ.बाबासाहेब आंबेडकर जयंती” तथा “महावीर जयंती” दिनानिमित्त नागपूर महानगरपालिका हद्दीतील सर्व कत्तलखाने व मांस विक्रीची दुकाने बंद राहतील. जे या आदेशाचे उल्लंघन करतील त्यांच्यावर महानगरपालिकेच्या भरारी पथकाव्दारे कार्यवाही करण्यात येईल, अशी सूचना उपायुक्त तथा संचालक घनकचरा व्यवस्थापन विभाग यांनी केली आहे.